Ikasleei, irakasleei baita ikertzaileei ere dei egin nahi diegu beren lanak, betiere jarraian proposaturiko gai monografikoekin zerikusia badute, bidal diezazkiguten.

* ENPRESA TALDEAK. Enpresen dimentsioa da muga garrantzitsuenetako bat, horrek merkatu berrietan sartzea, ikertzeko eta berritzeko gaitasuna eta abar mugatzen baititu. ETEak sortzea eta garatzea funtsezko elementua den arren, enpresa horiek hazteko bokazioa izan behar dute. Eta horretaz gain, ekonomia globalean lehian aritzeko dimentsioa duten enpresen eta taldeen gaitasun traktorea ere beharrezkoa dute.

* KLIMA ALDAKETAREN EKONOMIA. ¿Klima aldaketa¿ deritzon prozesua, planeta osoaren berotze prozesua, bizkortzen ari da eta gizateriak aurre‑aurrean duen mehatxu larrienetako bat da. Aldaketa sistemiko bat da eta nazioarteko mailako lankidetza eta politiken berregituraketa bat behar du, eredu ekonomiko eta soziala aldatzeaz gain.

* HERRI EKONOMIA BERRIA. Laurogei eta laurogeita hamarreko hamarkaden ezaugarria zerga politikaren protagonismoaren galera izan zen. Halere, gero eta herrialde gehiagok Egonkortasun eta Hazkunderako Ituna (EHI) ez betetzeak aurrekontu arauetan malgutasun handiagoa eskatzea ekarri du eta, horren ondorioz, EHIren berrikuntza bat izan da. Horrek, aurrekontu oreka lortzeko beharra epe ertain eta luzean mantendu arren, epe laburrerako jarduteko marjina handituz saiatu da. Gainera, arreta berezia ematen hasia zaio gastu publikoen kalitateari, zerga politikari ate berri bat irekiz, ekoizpen gastuaren hedapen batek ekonomia ituna bizkortu baitezake, aurrekontuko desorekak dauden kontuan hartu gabe.

Zure azterlanen esparrua goiko horietakoren bat izatekotan, guri bidaltzeko gonbitea egiten dizugu, mesedez joan "Argitaratu gabeko artikuluak bidaltzeko". Bidali artikuluak e-mailen bidez. Beste gai burzko batzuen artikuluak onartuko dira eta argitaratzaileak baloratuko ditu. Artikuluek, euskeraz, gastelaniaz edo ingelesez idatzi behar dute.