|
|
|
HURRENGO GAIAK ARGITARATZEKO
Ikasleei, irakasleei baita ikertzaileei ere dei egin nahi diegu beren lanak, betiere jarraian proposaturiko gai monografikoekin zerikusia badute, bidal diezazkiguten. * EKONOMIAREN FINANTZARIZAZIOA. Finantza merkatuen geroz eta handiagoa den garapenak agente finantzario eta ez finantzarioen jokabidearen funtsezko aldaketa bat ekarri du. Enpresa eta familien jarduera ekonomikoa, gero eta gehiago, kapital merkatuen eta banketxeak ez diren finantza erakundeen menpe dago. Halaber, ikusten da politika ekonomikoko erakundeen jarduera zuzentzaile-konpentsatzailearen ahalmena, finantza, banku eta bankukoak ez diren alorretik eratorritako tentsioak zuzentzeko, oso mugatua dela. * GARRAIOA XXI. MENDEKO GIZARTEAN. XXI. mendeko gizartearen erronketako bat garraioak sortzen dituen gero eta gehiago diren arazoei aurre egitea da, egungo garraio ereduak eta hazkunde tasak jasangaitzak baitira. Mugikortasunaren etengabeko hazkundeak garraio sistemak presio handi baten menpe jartzen ditu. Horren emaitza aire eta errepide bidezko trafikoaren pilaketa da eta horrek eraginkortasun ekonomiko txikiagoa dakar kutsadura eta erregaiaren kontsumo handiago batekin. * GOBERNANTZA. Gobernantza, agente publiko eta pribatuak koordinatzeko moduaren zentzuan, lehiakortasunaren egungo fasearen funtsezko elementua da. Ekoizpenerako, banaketarako eta kontsumorako lotutako agenteen sistema da ekonomia, eta bertan baliabide ebazteko erabakiak koordinatuta daude merkatu- eta gobernu-mekanismoen bitartez: hierarkikoak eta horizontalak, balio-trukekoak eta lehiakorrak; solidariokoak eta berekoaiak direla. Mekanismo horiek elkartuta, funtsezko eraginak lortzen dira lurraldearen garapen ekonomikorako, eta are gehiago mundu globalizatua bada, bertako harremanak gero eta konplexu eta unibertsalagoak baitira. EKONOMIAZ zenbaki honetan oinarrizko ekarpenak egin dira gobernantzaren fenomenoaren alderdietarako, eta berariazko atal bat dago gobernantzaren eta Euskal Autonomia Erkidegoko garapen ekonomikoaren arteko harremanari buruz.
Laguntza-menua |
Lege informazioa
- © 2006 · Eusko Jaurlaritza - Gobierno Vasco