Hitzaro

Hizkuntza Politikarako Sailburuordetzak bultzaturik, 1996ko urriaz geroztik HITZARO saioa dugu Euskal Telebistan. Larunbatero euskararen inguruko informazioa zabaltzen duen saio honek gaztelaniazko LENGUA VIVA izeneko programa du kide ETB2ko igandeko programazioan. Hitzaro eta Lengua Viva saioetan, besteak beste, erreportajeak, elkarrizketak eta gure hizkuntzari buruzko albisteak dira ikusgai. Bi saio hauen asmoa hizkuntza-normalkuntzaren kultura hedatzea eta euskararen inguruan dagoen informazio hutsunea betetzea da.