Truman Capotek (New Orleans, 1924 - Los Angeles, 1984), hogeita hiru urte zituela egin zuen agerpen harrigarria Other voices, other rooms eleberriarekin, eta arrakasta izugarria izan zuen. Ondoren, hainbat kontakizun eta erreportaiez gainera, The grass harp, A tree of night, Breakfast at Tiffany's (Koro Navarrok euskaratua: Gosaria Tiffany's-en, Elkar, 1989), In cold blood (Xabier Olarrak euskaratua: Odol hotzean, Igela, 1993) –liburu izugarria, jenero berri bat inauguratu zuena: ez fikziozko eleberria– eta Music for chameleons (bilduma horretako ipuinik luzeena, Eskuz landutako hilkutxak izenekoa, Xabier Olarrak euskaratu eta Igela argitaletxeak argitara eman zuen 1992an) eleberriek eman zioten kontakizunentzako O'Henry saria. National Institute of Arts and Letters-eko kidea izan zen eta idazle garaikide handienetakotzat jotzen du kritikak.