Hau Hamlet da, Shakespearerena: "gainerakoz, isiltasun". Antzerkian eta bizitzan, pertsonaia interesgarria ez da pieza batekoa. Hamlet ere pieza askoren puzzlea da (ohikoagoa da hori bizitzan antzerkian baino, antzerkiaren kalterako). Genero era erregistro guztien bildumatzat jo izan da beti obra hau, summa dramatikotzat. Pertsonaia, berriz, patu tragiko eta guzti -"izan ala ez izan"- marroka jolasten ari ote den pentsa liteke -izan eta ez izan-; beste pertsonaiekin, eta gurekin ere bai. Esanez bezala: ez nauzue harrapatuko; atzeman nauzuela uste duzuenean, beste nonbaitetik irtengo naiz. Are: aldakortasun atzemangaitz hori izango naiz (zu bezala). Hamlet.