Agota Kristof (Csikvand, Hungaria, 1955). Errepresio politikoaren beldur, ihesi joan zen Hungariatik, 1956an. Ordudanik Neuchatelen bizi da, Suitzan, eta frantsesez argitaratu ditu bere liburu guztiak. Irratirako idatzi izan du, eta antzerkirako ere bai. Ordu grisa eta beste antzezlan batzuk liburuan bildu zituen John eta Joe (1972), Igogailuko giltza (1977), Arratoi bat pasaeran (1972-1984), Ordu grisa edo azken bezeroa (1975-1984). Batzuen iritzian, nekrofilia-usain nabaria darie denei eta etsipena eragiten dute. Gero nobelak etorri ziren. Bikiei buruzko trilogiari esker egin da ezaguna mundu zabalean Agota Kristof, bereziki Koademo Handiagatik (1986), hogeita hamar bat hizkuntzatara itzulia izan baita. Trilogiako beste bi nobelak Froga (1988) eta Hirugarren gezurra (1991) dira.