Lev Nikolaievitx Tolstoi kondea, 1828an jaio zen Jasnaia Poliana izeneko errusiar herrixkan, Tulako probintzian. Aitonen semea eta lursail handien jabea gurasoen aldetik, jaiotetxea eta hirurehun morroi hartu zituen oinordekotzan. Lege-karrera egiten hasi zen arren, armadan sartu eta Krimeako gerran esku hartzera iritsi zen. Ingalaterra eta Alemanian barrena bidaiak egin ondoren bere etxaldean kokatu eta 1862an ezkondu egin zen. Voiná i mir nobela idazteari ekiten dio eta ondoren Ana Karénina faszikuluka argitaratzeari, bere garaiko errusiar gizartearen erretraturik hoberena eginez. Ispoved bere erlijio-kezken fruitua da eta Kréitserova sonata eta Voskresénie bere heldutasun harrigarriarena.

1910ean etxetik alde egin zuen, eta trenbide bateko bakardadean hil zen era misteriotsuan.