3000 HIZTEGIA

Hiztegi hau Bostak Bat lantaldearen Adorez sortako itzulpenezko hiztegia duzu. Lehen argitaraldia 1996an egin zen Aurten Bai Fundazioa eta Bass S.L-ren laguntzarekin; lehen bertsioa 2001.urtean eguneratua izan da.

3000HIZTEGIAn Euskaltzaindiaren HIZTEGI BATUAn (2000.eko abenduko bertsioa, Euskera 45-2) agertzen diren sarrera, azpi-sarrera eta adiera guztiak aurkituko ditu erabiltzaileak. Sarrera eta azpi-sarrera bakoitzari dagozkion erdal kide eta adibideez horniturik. 3000HIZTEGIAren bertsio hau Euskaltzaindiaren arauen arabera moldatuta dago.

Lehenik euskaraz edo gaztelaniaz bilatu nahi duzun aukeratu behar duzu. Bi bide proposatzen ditugu hitzak aurkitzeko:

1. Hitz bat bilatzea. Horretarako hitza-ri dagokion laukitxoan idatzi behar da bilatu gura den berba.
2. Berba zerrenda bat aurkitu nahi bada Aurkitu nahi den hitza eta ondorengoak ipintzen duen laukitxoan idatzi behar d(it)uzu gura duzun hitz-zerrendaren hasierako karakterea(k) edo berba osorik. Ondoren sakatu Bilatu botoia edo Intro jo eta sistemak 20 hitzen zerrenda eskainiko dizu. Aurreko zein ondorengo 20 berbak aurkitzeko aukera ere izango duzu. Zerrendako edozein hitzen gainean sakatuz berba horretako informazioa pantailaratuko zaizu.

Pantailan sarrera hitza erdian agertzen da. Aditza denean hiru formatan ematen da: partizipioa, erroa eta gerundioa. Sarrera bakoitzean ondoko informazioa biltzen da:

• kategoria gramatikala;
• jakintza arloa (Bot., Zool., Geol., Inform., Hizk., e.a.);
• sarrerako aldaera forma onartua ez denean hiru aukera aurkezten dira forma egokia aurkitzeko:
• Euskaltzaindiaren Hiztegi Batuan "h." dutenak alboan dute forma onartua
• Euskaltzaindiaren Hiztegi Batuan "e." dutenak alboan dute forma onartua
• Gainerakoetan ikus-en bidez forma onartu edo estandarragoetara bidaltzen da. Gainean sakatuz forma horretako informazioa eskaintzen da;
• erdal kideak adieraka sailkatuta (adiera zenbakia gorriz adierazten da) eta generoaren informazioa duela;
• izendapen zientifikoa (adibidez azeri: Vulpes vulpes);
• adibideak (adibide zenbakia urdinez adierazita agertzen da).

Hitza aurkitzeko forma desberdinak eskaintzen ditu 3000HIZTEGIAk:

1. Hitza txarto idazten baduzu, edo hiztegian ez dagoen berba sartzen baduzu, sistemak zerrenda bat proposatuko dizu zuk bat aukeratzeko.
2. Hitzaren aldaera idatziz. Sistema prest dago gura den hitzaren forma desberdinetan eskatuz gero aurkitzeko. Hala "h" nahiz "h"rik gabe idatzi arren aldaera zuzena edo estandarra agertuko da pantailan ("andi" idatzi arren "handi" forma onartua agertuko da pantailan). Berdin egiten du hitz elkartuetan gidoiarekin, loturik, nahiz banaturik idazten bada (adibidez arto(-)buru lortzeko ondoko aukerak ditu erabiltzaileak: artoburu, arto(-)buru, arto-buru eta arto buru. Denetatik arto(-)buru sarrera agertuko zaio pantailan.
3. Hitzaren lehen hizkiak idatziz. Adibidez buru idazten baduzu bi sarrera eskaintzen dizkizu sistemak: buru eta burutu, baina bur zein bur-, nahiz bur& idazten baduzu hizki horiekin hasten diren berben zerrenda bat proposatzen da. Zerrenda horretako hitz bat markatu eta BIDALI botoia sakatuz gero (adibidez buraso) berba horri dagokion informazioa eskuratuko duzu (buraso h. guraso).

3000 HIZTEGIAk berba bat aurkitzeko bide desberdinak aurrikusten ditu:

1. Hitza oker idazten denean. Aurkitu nahi den berba oker idazten denean 3000 HIZTEGIAk hitz zerrenda bat proposatzen du. Zerrenda horretatik gura dena aukeratu eta Buscar botoia sakatuz gero hitz horri dagokion informazioa pantailaratuko da;
2. Hitza azentuarekin nahiz gabe idatzi daiteke. Bata zein bestera eginez 3000 HIZTEGIAk hitzaren forma akademikoa aurkituko du (adibidez, cabezon idazten bada pantailan cabezón berba azalduko da);
3. Harridura markarekin nahiz gabe. Sarreretako hitz batzuk harridura markekin erabiltzen dira, baina hiztegiak era batera zein bestera idatziz forma zuzenera bidaliko zaitu (adibidez Ħojalá! berba horrela idatziz nahiz ojalá idatziz aurkituko da);
4. Dieresi nahiz gabe idatz daiteke. bai pingüe idatziz bai pingue idatziz 3000 HIZTEGIAk pingüe formara bideratuko du bilaketa;
5. Hitzaren lehen hizkiak bakarrik idatziz. Horrelakoetan 3000 HIZTEGIAk Horrela hasten diren hitzen zerrenda aurkezten du.