Nuremberg

Alemaniako hiria (Bavaria), Pegnitz ibaiaren ertzean; 500.000 bizt. Kultur eta industrigunea. Erdi Aroko auzoa. Museo nazional germaniarra. Bigarren Mundu-Gerran aliatuek bonbardatu eta monumentu gehienak suntsitu egin zituzten, baina berreraiki egin dira. 1219az geroztik Nuremberg hiri libre inperiala izan zen. XV-XVI. m.etan goren mailara iritsi zen. Hogeita Hamar Urteko gerran hiria gainbehera hasi zen. 1806an Bavariako erresumaren menpera pasatu zen. 1927tik aurrera alderdi nazionalsozialistaren gune izan zen. 1945-46 bitartean nazien aurkako Nurembergeko prozesua egin zen bertan. Nazioarteko auzitegi militar batek gerra-krimenak egin izanaz akusatutako alderdi naziko 24 kide eta 8 erakunde epaitu zituzten.



Atzera