banda 1

iz. 1. Kargu edo maila baten adierazgarri den ehunezko zerrenda, soinean sorbaldatik gorputz enborraren aurrealde eta atzealdetik igaroz bestaldeko saihetsera eramaten dena. Alkatearen banda. 2. Erabilera espezifikoak dituen objektua, normalean estua eta euskarri bezala baliagarri dena. 3. ZOOL. Hainbat animaliak gorputz-atal desberdinetan izaten duen kolorezko marra luzanga. 4. BIOL. Zelula diferentziatuez edo zilioez eraturiko egitura. Ziliozko banda. • banda kromosomiko. BIOL. Kromosometako zeharkako banda, haiek identifikatzea ahalbidetzen duena. || banda magnetiko. Soinuak, irudiak, datu informatikoak, etab. grabatzeko euskarri gisa erabiltzen den xingola. || banden eredu. FIS. Egoera solidoaren eredu kuantikoa. Kristal batean atomoen elektroien energi mailak banda baimendu eta debekatuetan banatuta daudela postulatzen du. || espektro-banda. FIS. eta KIM. Atomo eta molekulen identifikaziorako erabiltzen diren teknika espektroskopikoetan, zurgatu edo igorritako energiaren adierazpide grafikoan ageri diren lerro gertuen segida bakoitza. || irudi-banda. ZIN. Irudia erregistratua dagoen pelikula zinematografikoaren zatia. || maiztasun-banda. TELEKOM. Bi muga jakinen arteko maiztasun-sorta. || soinu-banda. ZIN. Soinua erregistratua dagoen pelikula zinematografikoaren zatia.



Atzera